Kryedemokrati Sali Berisha, në një konferencë për shtyp, u shpreh se objektivi i partisë Dekokratike është të sjellë transparencë mbi veprimtarinë korruptive dhe kriminale të qeverisë aktuale dhe të paraqesë programin e saj si një program shpëtimi për Shqipërinë. Ai theksoi se këto do të jenë dy shtyllat kryesore të veprimtarisë së PD-së gjatë periudhës parlamentare.
Berisha tha më tej se ministri i Shtetit për Marrëdhëniet me Parlamentin, Taulant Balla dhe deputeti Lulzim Basha janë një binom i pandarë si tymi dhe bloza.
“Taulant Balla dhe Lulzim Basha janë një binom i pandarë. Aq sa mund të ndash tymin nga bloza, aq mund të ndash këto dy persona.”– u shpreh Berisha.
Berisha gjithashtu e konsideroi parlamentin aktual të pa merituar dhe të papërshtatshëm, duke shtuar se, nëse do të kishte një listë me 100 emra, ky parlament nuk do të meritonte asnjë ditë ekzistencë. Ai u shpreh me bindje se opozita do të krijojë një parlament që do të pasqyrojë më mirë interesat e Shqipërisë.
