Mungon vetëm zyrtarizimi, por në Itali janë të sigurt se Kyle Walker do të transferohet te Milani. Anglezi ka kohë që është në listën e dëshirave të kuqezinjve, edhe pse është 34 vjeç, drejtuesit e klubit italian mendojnë se mund ta ndihmojë trajnerin Conceiçao.
Palët kanë arritur një akord. Gazetat italiane pretendojnë se kuqezinjtë do të paguajnë 1 milion euro për një marrëveshje huazimi gjashtëmujore, ndërsa ekziston dhe mundësia për ta blerë në fund të sezonit për 5 milionë euro.
Walker do të përfitojë 4 milionë euro në sezon plus edhe bonuset ndërsa mbeten vetëm detajet e fundit që marrëveshja të zyrtarizohet.
