Teksa na ndajnë më pak se 4 muaj nga zgjedhjet e 11 Majit, kreu i “Nismës Thurje”, Endri Shabani, ka deklaruar se thelbi është që nga pushteti të largohet kryeministri Rama dhe të mos vijë Sali Berisha në pushtet.
Shbanai tha në News24, se nevoja historike e vendit tonë është që të gjithë të rinjtë të bëhen bashkë.
Më tej ai u shpreh duke thënë se sistemi zgjedhor që është votuar në 2008 dhe është rivotuar dhe në 2024 e bën më të vështirë formimin e koalicioneve.
“Thelbi është se Rama duhet të iki, Berisha nuk duhet të vijë, as me Berishën as me Ramën nuk Bashkëpunojmë. Duhet rotacion. Ne po përpiqemi, nevoja e Shqipërisë është që të rinjtë të bëhen bashkë për t’i ofruar një alternativë. Nevoja historike është të gjithë të bëhemi bashkë. Ka hezitim por nuk mund t’i detyrojmë. E vërteta është se sistemi zgjedhor që është votuar në 2008 dhe është rivotuar dhe vjet janë përpjekur ta bëjnë sa më të vështirë. Ndryshimet që Rama i bëri për koalicionet e ka bërë më të vështirë. Bashkëpunimi i çdo grupimi politik është më i vështirë sepse kërkon sakrifica nga çdo grup. Ne duhet të çojmë në parlament sa më shumë përfaqësues të forcave të reja, pra të jenë më pak ata që përfaqësojnë forcat e vjetra“, tha ai.
