Prej ditës që Gjesti shkeli në shtëpinë e Big Brother VIP Albania, bulizmi dhe dhuna nuk ndalen në drejtim të tij, kryesisht nga treshja G Bani – Jozi – Gerti.
Teksa vetëm pak orë na ndajnë nga Prime i radhës, në shtëpinë e Big Brother VIP 4 nuk mungojnë debatet e ashpra mes banorëve.
Një prej tyre është dhe ai i Gjestit dhe G Banit, të cilët e nisën ditën e së martës me një përplasje mes tyre. Gjesti tentoi ta zgjonte G Banin duke i shkuar në krevat, me këtë të fundit që nuk e priti aspak mirë veprimin e banorit, teksa filloi ta ndiqte nga pas.
Edhe pse nuk pati fjalë midis tyre, në disa momente G Bani u duk sikur do të godiste me grusht Gjestin dhe gjithashtu i shkonte në fytyrë.
Kujtojmë që ditën e djeshme në shtëpinë e Big Brother u fut zarfi i zi, ndërsa televotimi i kësaj jave u anulua. Duke iu referuar gjuhës së urrejtjes, bulizuese por edhe dhunës, ditën e sotme pritet që Big Brother të marrë vendime ekstreme duke skualifikuar nga loja banorët e përfshirë në incidente.
