Duke filluar nga mëngjesi i ditës së sotme, qarku i Korçës, është përfshirë nga reshjet e dendura të dëborës, duke sjellë trashësi deri në 15 centimetra në disa zona.
U bë me dije se të gjitha akset nacionale mbeten të hapura, megjithatë, reshjet pritet të vijojnë edhe për disa orë të tjera, duke kërkuar kujdes të shtuar nga drejtuesit e mjeteve.
Autoritetet lokale janë angazhuar në pastrimin dhe kriposjen e akseve kryesore në Qafë Thanë, Qafë Plloçë, Ersekë, Voskopojë, Dardhë dhe segmentet e tjera të prekura.
Për të garantuar lëvizje të sigurt, autoritetet u kanë bërë apel drejtuesve të automjeteve që të pajisen me goma dimërore ose zinxhirë, veçanërisht në zonat më të rrezikuara nga ngricat dhe trashësia e dëborës.
