Një 40-vjeçar, i identifikuar si Elton Andreica (Muça) është arrestuar në flagrancë nga Policia e Vorës, pasi u kap nga uniformat blu teksa drejtonte automjetin nën efektin e lëndëve narkotike.
40-vjeçari akuzohet gjithashtu se kundërshtoi punonjësin e Policisë, duke e kanosur për shkak të detyrës.
Ngjarja ndodhi gjatë patrullimeve të zakonshme të Policisë në fshatin “Marikaj”, teksa shërbimet e Policisë vunë re një automjet të ndaluar në mes të rrugës, i cili po pengonte qarkullimin e mjeteve. Kur punonjësit e Policisë iu afruan dhe pyetën drejtuesin e automjetit, ai reagoi duke ofenduar, shtyrë dhe kërcënuar ata, si dhe tentoi të largohej, duke goditur automjetin e Policisë.
40-vjeçari rezulton i dënuar më parë “për “Vjedhje me dhunë,” Vjedhje me armë”, dhe “Armëmbajtje pa leje”.
“Shërbimet e Komisariatit të Policisë Vorë gjatë patrullimeve në terren, të kryera me qëllim ruajtjen e rendit dhe sigurisë, në fshatin “Marikaj” kanë konstatuar një automjet i cili kishte ndaluar në mes të rrugës duke penguar qarkullimin e mjeteve.
Punonjësit të Policisë janë afruar dhe kanë marrë kontakt me drejtuesin automjetit duke e pyetur nëse kishte ndonjë problem që kishte ndaluar në mes të rrugës.
Drejtuesi i automjetit nuk ka dhënë shpjegime por ka filluar të ofendojë, shtyjë dhe kërcënojnë punonjësit e Policisë dhe në tentativë për tu larguar ka goditur dhe automjetin e Policisë.
Nga kryerja e testit të drogës ka rezultuar se ky shtetas drejtonte automjetin nën efektin e lëndëve narkotike.
Në përfundim të veprimeve u bë arrestimi në flagrancë i shtetasit E.A(M), 40 vjeç, i dënuar më parë për “Vjedhje me dhunë,” Vjedhje me armë”, dhe “Armëmbajtje pa leje”.”- njofton policia.
Materialet i kaluan Prokurorisë, për veprime të mëtejshme procedurale.
