Një aksident automobilistik është regjistruar mëngjesin e kësaj të premteje në autostradën Vlorë-Fier.
Nga informacionet paraprake mësohet se drejtuesi i një automjet tip “Volkswagen Golf” ka humbur kontrollin mbi drejtimin e mjetit të tij dhe për pasojë makina ka dalë nga rruga dhe ka përfunduar në kanal.
Si pasojë e aksidentit kanë mbetur të plagosur dy persona, një çift bashkëshortësh, të cilët ndodheshin në automjet dhe janë transportuar me urgjencë në spitalin e Vlorës për trajtim mjekësor.
Nga hetimet e para dyshohet se shpejtësia tej normave të lejuara të ketë qenë shkaku i aksidentit. Grupi hetimor po punon për zbardhjen e plotë të rrethanave të aksidentit.
