Numri i të vdekurve nga aksidenti në Aeroportin Ndërkombëtar Muan në Korenë e Jugut është rritur në 176, sipas Skynews.
Fluturimi i Jeju Air 7C 2216 nga Bangkoku mbante 181 pasagjerë dhe gjashtë anëtarë të ekuipazhit kur katastrofa goditi në aeroportin në qarkun Muan, pak pas orës 9 të mëngjesit me orën lokale të dielën.
Avioni, ishte duke u ulur në aeroport kur ndodhi përplasja teksa pamjet e aksidentit tregojnë avionin duke përshpejtuar në pistë derisa kapërcen atë dhe godet një barrierë e më pas shpërthen në flakë.
Shefi ekzekutiv i Jeju Air, kompania më e madhe me kosto të ulët në Korenë e Jugut, tha se avioni nuk kishte shfaqur “asnjë shenjë problemi” përpara aksidentit të së dielës.
Raportohet përplasja me një shpend ka bërë që mjetet e uljes së avionit të mos funksionojnë, duke e detyruar atë të rrëzohet.
