Një aksident me pasojë vdekjen ka ndodhur ditën e sotme, në aksin ‘Librazhd-Prrenjas’, ku një mjet është përplasur me një kamionin dhe për pasojë ka humbur jetën shoferi i mjetit.
Sipas policisë, automjeti me drejtues personin me inicialet E. M., 31 vjeç, është përplasur me kamionin me drejtues shtetasin Y. Z., 30 vjeç.
31 vjeçari ka humbur jetën në vendngjarje, ndërsa pasagjeri i cili udhëtonte me të është plagosur dhe ndodhet nën kujdesin e mjekëe.
“Në aksin rrugor “Librazhd-Prrenjas”, automjeti me drejtues shtetasin E. M., 31 vjeç, banues në Korcë, është përplasur me kamionin me drejtues shtetasin Y. Z., 30 vjeç. Si pasojë e aksidentit ka humbur jetën në vendngjarje shtetasi E. M., dhe është dëmtuar pasagjeri që udhëtonte me të, i cili është në kujdesin e mjekëve. Drejtuesi i kamionit, shtetasi Y. Z., është shoqëruar në polici, për kryerjen e veprimeve procedurale. Grupi hetimor vijon punën për zbardhjen e rrethanave dhe shkakut të aksidentit”, njofton policia.
