Një shqiptar, 32 vjeç, dhe një grek, 34-vjeç, janë arrestuar këtë të premte. Ata akuzohen për veprën penale “Trafikim i lëndëve narkotike”.
Gjithashtu është shpallur në kërkim dhe një person tjetër.
Mediat greke shkruajnë se policia ka zbuluar një sasi droge dhe një arsenal të madh armësh në Rethymno. Operacioni është zhvilluar në një vilë 4-katëshe, ku u zbulua një laborator i kultivimit të marijuanës. Në të u gjetën 557 bimë marijuanë dhe 34 kg 476 gram marijuanë.
Kontrollet e policisë kanë zbuluar edhe 10 armë zjarri automatike si dhe 13 mijë e 65 euro.
