Një automjet ka hyrë kundravajtje në autostradën Levan-Vlorë, dhe më pas ka vijuar rrugëtimin në krahun e kundërt duke u kthyer në burim aksidentesh.
Siç shihet edhe në videon e mëposhtme të News24, automjeti hyn në kahun e kundërt dhe vijon rrugëtimin i pashqetësuar, teksa ata që i ka kapur paniku kanë qenë drejtuesit e automjeteve që ishin në krahun e duhur.
Nuk dihet nëse drejtuesi i mjetit është futur gabimisht, apo ka zgjedhur këtë mënyrë, për të “shkurtuar” destinacionin ku do të shkonte.
Policia ende nuk ka reaguar në lidhje me rastin në fjalë, nëse është marrë masë administrative ndaj drejtuesit të automjetit apo jo.
