Gazetari Elkier Bushkolaj ka ngritur pikëpyetje në lidhje me aksionin e SPAK ndaj Erion Veliaj. Ai shprehet se ka një paradoks në këtë histori.
Bushkolaj ngre pikëpyetje mbi faktin se pse u zgjodh dita për të shkuar për kontroll në banesë kur kryebashkiaku ndodhej jashtë Shqipërisë.
Më tej ai ngre pikëpyetja edhe për faktin se nuk u sekuestrua celulari i Veliajt, si në rastin e Arben Ahmetaj dhe Monika Kryemadhit, por vetëm celulari i partneres dhe vëllait të tij.
“Ka një paradoks në të gjithë këtë histori. Pse duhet të sekuestrohet aparati celular i bashkëshortes së Erion Veliaj, Ajola Xoxës apo i të vëllait Arbër, ndërkohë që nuk sekuestrohet aparati celular i Erion Veliaj? Për dosjen e inceneratorëve ishte celulari i Arben Ahmetaj, për dosjen Kryemadhi pretendohet se është celulari i zonjës Kryemadhi që ka zbuluar…
Në rastin konkret pse u veprua me këtë standard! Pse SPAK zgjodhi një ditë që nuk ishte në Shqipëri fare kryebashkiaku i Tiranës për t’i shkuar për kontroll në banesë dhe pse sot e kësaj dite se aty në dosje flitet për korrupsion pasiv i të zgjedhurve të zgjedhur, është i qartë që Ajola Xoxa nuk është e zgjedhur, as Arbër Veliaj nuk është i zgjedhur, po kush është i zgjedhur në këtë mes?
I zgjedhur është Erion Veliaj dhe kjo e rëndon shumë pozitën e SPAK përballë kolegut të tyre.”- tha gazetari në Syri TV.
