Policia e Macerata pikasi të riun që u përpoq të fshihte dy pakot me kokainë. I gjenden edhe 1700 euro cash, rrezikon një vit burg dhe gjobë.
Policia italiane arrestoi një ditë më parë (10 Dhjetor) një shqiptar 32-vjeçar, që akuzohet se kishte hyrë ilegalisht në vend dhe ishte përfshirë në rrjetin e shpërndarësve të lëndëve narkotike në Macerata.
Gjatë kontrollit të ushtruar nga patrullat në “Piazza Nazario Sauro”, i riu u përpoq të fshinte dy mbështjellës që përmbanin kokainë me peshë mbi 20 gramë. Gjithashtu iu gjetën telefonat dhe 1700 euro cash, që u sekuestruan si provë materiale dhe besohet se janë të ardhura nga aktiviteti kriminal.
Pas arrestimit, gjykata i ka caktuar masën e arrestit shtëpiak 32-vjeçarit, në pritje të procesit të mëtejshëm. Masa e sigurisë u dha ditën e sotme (11 Dhjetor), shkruan media italiane.
Shqiptari rrezikon deri 1 vit burg dhe 10 mijë euro gjobë sipas kërkesës që po përgatit prokuroria në një gjykim me procedurë të përshpejtuar.
