Nuk janë kohë të mirë, por edhe e ardhmja nuk duket aspak “rozë” për Manchester City. Përkundrazi, kampionët në fuqi të Anglisë duhet të përgatiten për më të keqen.
Në Londër u mbyll seanca e fundit dëgjimore në lidhje për shkeljen e rregullave financiarë të Premier Ligës dhe UEFA-s nga ana e “Cittyzens”.
Manchester City përballet me 115 akuza, nga këto 80 për shkelje të rregullave financiarë dhe 35 të tjera se nuk ka bashkëpunuar me hetimet e Premier League.
Këto akuza shtrihen në një periudhë nga viti 2009 deri në vitin 2018, ndërsa dyshohet se klubi ka injektuar të ardhura falë kontratave të sponsorimizit me kompani në pronësi të padronëve sheikë.
Në këtë mënyrë, ka mbuluar shpenzimet e çmendura për blerjet në merkato dhe pagesën e lojtarëve apo trajnerëve.
Hetimet që nisëm më 16 shtator kanë përfunduar me seancën e fundit, ku u dëgjuan pretendimet e Manchester City, që si gjithmonë ka mohuar se ka luajtur jashtë rregullave financiarë.
Duke qëndruar në atë që raportojnë mediat angleze, vendimi pritet të merret gjatë muajit mars të vitit të ardhshëm, ndërsa parashikimet nuk janë aspak të mira për Pep Guardiolën dhe skuadrën e tij.
Për të njëjtat akuza, së fundmi janë dënuar me heqje pikësh Everton dhe Nottingham Forest.
Por për sasinë e akuzave dhe shkeljeve të pretenduara nga pala akuzuese, Manchester City mund të dënohet më rëndë, deri në zbritje në një kategori më poshtë.
