Një çip që zgjidh për 5 minuta një problem jashtëzakonisht të vështirë matematik që edhe kompjuterit më të shpejtë që ekziston aktualisht i duhen 10 septilion vite, një 1-sh me 25 zero nga pas, një shifër aq e madhe dhe krejt abstrakte për t’u shpjeguar në kushte përditshmërie.
Çipi i emërtuar “Uillou” po zhvillohet nga kompania Google dhe është pjesë e zhvillimeve në fushën e informatikës kuantike.
Kompjuterët kuantikë punojnë në një mënyrë krejtësisht të ndryshme nga kompjuteri në celularët apo laptopët aktualë. Ata përdorin mekanikën kuantike, sjelljen e pazakontë të grimcave ultra të vogla, për të zgjidhur problemet shumë herë më shpejt se kompjuterët tradicionalë.
Kompjuterët kuantikë synohet të përdoren për përshpejtimin e proceseve shumë të vështira, si krijimi i një ilaçi të ri, të cilin njeriu mund të dojë vite ta zhvillojë, ndërsa ata vetëm pak sekonda. Ekspertët thonë se ata mund të përdoren edhe për qëllime të këqija, si grabitja e të dhënave të rëndësishme.
Megjithatë, teknologjia është në faza eksperimentale dhe do të duhen disa vite dhe disa miliarda Dollarë.
