Është identifikuar personi i cili humbi jetën në aksidentin e regjistruar mëngjesin e djeshëm në Bypass-in e Fierit, ne vendin e quajtur “Kryqëzimi i Pojanit”.
Burime bëjnë me dije se bëhet fjlaë për 30-vjeçarin Xherixhen Elmazaj, banues në Sarandë. Ai ndodhej pasagjer në automjetin tip “BMW”, ngjyrë të bardhë, që përfundoi disa metra jashtë rruge.
Po ashtu, edhe trupi i pajetë u gjet disa metra larg automjet të aksidentuar, i cili drejtohej nga Genti Çela. Ky i fundit mbeti i plagosur dhe u dërgua drejt spitalit të Traumës në Tiranë për mjekim më të specializuar.
Dyshohet se shkak i aksidentit ka qenë shpejtësia, përgjumja e shoferit dhe lagështia në rrugë. Hetimet po vijojnë për të zbuluar dinamikën e aksidentit dhe shkaqet, nëpërmjet ekspertizës auto-teknike dhe mbledhjes së provave.
