Autoritetet policore kanë dalë me një komunikatl zyrtare në lidhje me gjetjen e automjetit të përdorur nga 27-vjeçari Julian Gjoshi, i cili ditën e djeshme ekzekutoi me armë zjarri 50-vjeparin Alfred Dedja në ambientet e një lokali në Ndroq.
Autotomjeti tip “Benz” është gjetur i braktisur në fshatin Shkallnur, teksa brenda saj blutë e Tiranës bëjnë me dije se nuk është konstatuar asgjë e paligjshme.
Kjo makinë dyshohet se është përdorur nga 27-vjeçari Gjoshi për t’u arratisur nga vendi i ngjarjes, restoranti në Ndroq ku qëlloi Dedjen.
Automjeti është transportuar në ambientet e Policisë, ku do t’i nënshtrohet ekspertizës, teksa ende nuk ka gjurmë nga 27-vjeçari.
“Në vijim të kontrolleve të kryera nga shërbimet e Drejtorisë Vendore të Policisë Tiranë, në bashkëpunim me shërbimet e Drejtorisë Vendore të Policisë Durrës dhe të Forcës Kombëtare të Sigurisë, për lokalizimin dhe kapjen e autorit të vrasjes së ndodhur ditën e djeshme, në një lokal në Ndroq, është gjetur i braktisur në fshatin Shkallnur, automjeti me të cilin dyshohet se ka lëvizur autori i dyshuar i vrasjes.
Gjatë kontrollit në automjet, shërbimet e Policisë nuk kanë konstatuar ndonjë send të kundërligjshëm.
Automjeti u transportua në ambientet e Policisë dhe do t’i nënshtrohet ekspertizës.
Ndërkohë vijon puna për kapjen e autorit të dyshuar të vrasjes dhe për zbardhjen e rrethanave të saj.” – thuhet në njoftimin e Policisë.
Kujtojmë se Julian Gjoshi është kunati i Altin Hajrit, një prej personazheve të njohur të botës së krimit në Shijak dhe i shpallur prej disa vitesh në kërkim për rrëmbimin e Jan Prengës.
