Një 17-vjeçar shqiptar është arrestuar nga policia maqedonase në qytetin e Kumanovës pasi ka dëmtuar tabelën e Konsullatës së Republikës së Serbisë.
Ngjarja është raportuar se ka ndodhur më 29 nëntor, rreth orës 09:05, sipas një njoftimi të Ministrisë së Punëve të Brendshme.
Sipas mediave lokale, policia identifikoi dhe ndaloi të miturin, i cili tani ndodhet në stacionin policor për hetime të mëtejshme.
Policia në Kumanovë ka paralajmëruar ngritjen e kallëzimit penal ndaj të miturit, bazuar në nenin 319 të Kodit Penal të Maqedonisë së Veriut, që lidhet me veprat penale që cenojnë marrëdhëniet ndëretnike.
Në një video të publikuar nga Ministria e Brendshme, i mituri shfaqet me flamurin kuqezi në krah, duke dëmtuar tabelën e konsollatës. Incidenti vjen në një kohë, ku gjatë festave të nëntorit pati përplasje dhe djegie të flamurit shqiptar dhe atij maqedonas nga të rinjtë e dy komuniteteve në RMV.
