Massimiliano Allegri është gati të marrë drejtimin gjatë sezonit aktual.
Ka gatishmëri nga ana e trajnerit që ka një motivim të madh pas lamtumirës mes polemikave nga Juventusi sezonin e kaluar.
I parë në Londër për të ndjekur ndeshjen e Europa League mes Tottenham-it dhe Roma-s, së bashku me ish-drejtuesin e Juventusit, Cherubini, Massimiliano Allegri është gati të kthehet në stol dhe po e shfrytëzon këtë pushim për të përsosur anglishten e tij.
Së bashku me rrethin e tij ai po shqyrton hipoteza të ndryshme për t’u rikthyer menjëherë në stol. Një nga këto është edhe Newcastle.
Klubi bardhezi gjendet në mes të tabelës në Premier League. Skuadra angleze, e cila ka fondet saudite pas saj, është gati t’i japë një shkundje ekipit dhe të shkarkojë Howe.
Një ndryshim i papritur, ky, që mund të hapë derën e uljes së Allegrit në stolin e Newcastle.
