Kryeministri i Hungarisë, Viktor Orban ka dënuar sulmin në kanalin e Ibër-Lepencit në Zubin Potok në veri të Kosovës.
Përmes një reagimi në rrjetin social “X” Orban bën thirrje për një hetim të plotë dhe gjithëpërfshirës.
Sipas tij duhet shmangur përshkallëzimi i mëtejshëm në rajon.
“Dënojmë sulmin ndaj infrastrukturës kritike të Kosovës në Zubin Potok. Në vend të akuzave të njëanshme, ne bëjmë thirrje për një hetim të paanshëm dhe gjithëpërfshirës. Përmbajtja është e domosdoshme për të shmangur përshkallëzimin e mëtejshëm në rajon”, shkroi kryeministri hungarez në “X”.
We condemn the attack against #Kosovo‘s critical infrastructure in Zubin Potok. Instead of biased accusations, we call for an impartial and comprehensive investigation. Restraint is imperative in order to avoid further escalation in the region.
— Orbán Viktor (@PM_ViktorOrban) November 30, 2024
