Një grup kriminal shqiptar që trafikonte drogë në zonën perëndimore të Dublinit ishte objektivi i një operacioni të madh ku u sekuestruan mbi 20 makina dhe 400,000 euro para. Byroja e Pasurive Kriminale (CAB) ka kryer një sërë bastisjesh gjatë ditës së sotme, ku si rezultat u sekuestruan pajisje elektronike edhe sasi droge.
“Gjatë këtij operacioni u sekuestruan 23 automjete së bashku me 400,000 euro para të gatshme dhe fonde të ngrira. Gjithashtu u sekuestrua një sasi bimësh kanabisi, pajisje elektronike dhe dokumente të ndryshme.”, thanë autoritetet në një deklaratë.
Në operacion u angazhuan 130 forca policore që kanë kryer kërkime në 14 vende të ndryshme në Dublinin perëndimor, që dyshohet se ushtronin aktivitetet e vazhdueshme grupi kriminal, shkruan Sunday World.
