Një person ka humbur jetën tragjikisht në punë gjatë mesditës së sotme në Durrës. Viktima është shtetasi D. N., 50 vjeç.
Autoritetet policore raportojnë se 50-vjeçari dyshohet se është dëmtuar aksidentalisht nga një makineri gjatë punës në ambientet e firmës “Pespa Alumin”. Ai ka ndërruar jetë në vendin e ngjarjes si pasojë e plagëve të marra.
Ngjarja ka ndodhur rreth orës 13:00, në lagjen nr. 14 të qytetit bregdetar. Grupi hetimor ndodhet në vendin e ngjarjes dhe po punon për sqarimin e rrethanave të ngjarjes.
