Florentino Perez u ka thënë anëtarëve të Real Madrid-it se duhet të shesin aksionet e tyre për të vazhduar të paguajnë pagat e superyjeve të ekipit.
Real Madridi, i cili që nga themelimi i klubit në vitin 1902 ka qenë në pronësi dhe drejtuar nga anëtarë të klubit, duket i vendosur të shesë disa prej aksioneve të këtyre anëtarëve për herë të parë ndonjëherë, pasi presidenti i klubit Perez kërkon të paguajë huatë dhe të financojë kontrata të shtrenjta me kalimin gradual në privatizimin e klubit.
Real Madridi ka qenë gjithmonë i njohur si një klub i gatshëm të paguajë për lojtarët që dëshiron, veçanërisht nën drejtimin e Perez.
Cristiano Ronaldo, Gareth Bale, Vini Jr, Bellingham dhe të tjerë të panumërt kanë pasur kontrata marramendëse në Bernabeu, dhe me kalimin e viteve këto kontrata, si dhe investime të tjera si rinovimi i stadiumit kanë bërë që klubi të grumbullojë ngadalë një borxh të konsiderueshëm.
Si rezultat, Telegraph raporton se plani i Perez është të nxisë disa anëtarë të klubit që të shesin aksionet e tyre në mënyrë që një investitor të hyjë dhe të ndihmojë në financimin e zakoneve të tyre të shtrenjta.
Megjithatë, ekziston një problem madhor, pasi ka mbi 100,000 anëtarë, shumica e të cilëve e kanë kaluar anëtarësimin e tyre brez pas brezi, duke i bërë këto anëtarësime të pamundura për t’u shitur.
