Zyrtari i Policisë së Shtetit, Rebani Jaupi, thotë se fakte të reja po dalin në dritë në lidhje me masakrën me 4 viktima në Shkodër duke u përpjekur të mbulojë dështimin e policisë.
Ai tha në emisionin ‘Kjo Javë’ se ngjarja është në ndjekje dhe shumë shpejt do të zbardhet, por më pas shtoi se zbardhje ngjarjeje nuk do të thotë informacion për persona specifikë. Pra po punon, por qorraziduke mos vënë asnjë kriminel para drejtësisë.
“Është gjendje që ne duhet të reflektojmë, strukturat e policisë po e ndjekin pa ndërprerje, qoftë ngjarjen e Shkodrës, qoftë të Tiranës. Ka një dritë për ngjarjen e Shkodrës. Është në ndjekje dhe çdo ditë dalin fakte të reja që ndihmojnë hetimin. Zbardhja nuk do të thotë se kemi informacion për x persona”, tha Jaupi.
Policia shqiptare është aq e dështuar sa lë të largohet nga vendngjarja edhe personin e tretë i cili ishte në makinë me Arlind Bushatin dhe Hamza Licin. Dhe më e rënda qëndron në faktin se personi i tretë mund të ketë qenë i shumëkërkuari i drejtësisë, Ibrahim Lici.
