Barush Bregu, i njohur gjithashtu si Bajram Bregu, është shpallur në kërkim pasi ndihmoi Ragip Gilën, pas masakrës së djeshme në Shkodër, ku dy persona humbën jetën dhe dy të tjerë u plagosën. Gjithashtu një 17-vjeçar, i dyshuar si bashkëpunëtor në ngjarjen e rëndë, është gjithashtu në listën e personave të kërkuar nga policia.
Barush Bregu është i njohur për lidhjet e tij me Ibrahim Licin dhe ka një histori kriminale që tërheq vëmendjen e autoriteteve. Në vitin 2016 u dënua me 4 vite burg për kultivim të kanabisit dhe mbajtje pa leje të armëve. Dy vite më vonë, gjatë një operacioni policor, u kap me një kallashnikov në banesë, por gjatë ndjekjes arrin të shpëtojë duke përplasur dy patrulla policie.
Pasi u shpall person në kërkim, Bregu u arrestua në Tiranë në vitin 2019, në një banesë me qira në zonën e “Komunës së Parisit”. Policia dyshon se ai ka ndihmuar Ibrahim Licin në disa ngjarje kriminale, përfshirë edhe vrasjen e dyfishtë të vëllezërve Bilali.
LEXO EDHE:
Vrasja në Shkodër/ PAMJET e arrestimit të autorit, policia shpall në kërkim dy bashkëpunëtorët
