Politologu Ilir Kalemaj tha në MCN që ka një kundërsens logjik në vendimin e Gjykatës Kushtetuese për Sali Berishën, në lidhje me masat e sigurisë të lëshuara nga SPAK.
Ai e konsideroi vendimin “as mish, as peshk”, që gjithsesi e lë Sali Berishën në masën “arrest shtëpie”.
“Janë dy masa që shkojnë së bashku. Vendimi i Gjykatës Kushtetuese është a i merr atributet Kuvendit, neni 73 i Kushtetutës, apo jo. Si mund t’ia kufizosh të drejtën e lëvizjes për detyrim paraqitje dhe mos ia kufizosh të drejtën e lëvizjes për të shkuar jashtë shtetit. Ka një kundërses logjik. Në lidhje me masën e dytë që thotë Gjykata Kushtetuese që do ta shqyrtojnë, masën e arrestit, ajo vjen si rrjedhojë logjike e thyerjes që supozohet nga z.Berisha të masave të para. Me këtë vendim as mish, as peshk, Gjykatës Kushtetuese e kufizon, e mban në arrest shtëpie, deri në momentin e dhënies së vendimit të dytë. Nëse detyrim paraqitje është ligjore dhe proporcionale, masa e arrestit është proporcionale gjithashtu, dhe vazhdon të jetë në arrest gjatë gjithë kohës së fushatës elektorale”
Kalemaj vuri në dukje se në Shqipëri ka një mosndarje të qartë të vijave të pushteteve që mund të ndikojnë në rezultat. Sipas tij s’duhet penguar lidershipi i opozitës që të jetë pjesë e fushatës zgjedhore.
“Nuk mund të akuzohet opozita për ato që bën qeveria. Trump kishte 34 çështje në proces, kjo s’e ka penguar të bënte fushatë dhe të fitonte zgjedhjet në mënyrën më spektakolare që ka fituar një në 50-60 vitet e fundit. Drejtësia ka punën e vet, pse duhet penguar krejt lidershipi i opozitës që të marrë pjesë në fushatë, Berisha, Meta, Mediu, apo Salianji. Duket që kemi të bëjmë me mosndarje të qartë të vijave të pushteteve, dhe kjo ndikon në rezultat, në një vend si Shqipëria ku njerëzit shkojnë pas berihajit, pas më të fortit”.
