Një aksident automobilistik është regjistruar pasditen e kësaj të marte në qytetin e Vlorës, ku protagonist ka qenë një efektiv policie.
Burimet zyrtare bëjnë me dije se polici me inicialet K. H., 61 vjeç, duke drejtuar automjetin tip “Benz,” ka përplasur këmbësorin, shtetasin A. M., 79 vjeç. Ky i fundit ka mbetur i plagosur dhe ndodhet në spitalin e Vlorës, nën kujdesin e mjekëve.
Ngjarja ka ndodhur rreth orës 17:10, në rrugën “Sazani”, teksa efektivi i Policisë ndodhej jashtë shërbimit në momentin e aksidentit.
Grupi hetimor dhe AMP po kryejnë veprimet e mëtejshme për sqarimin e rrethanave të aksidentit
