Në kuadër të Javës Ndërkombëtare të Përkujtimit të Viktimave të Aksidenteve Rrugore, Policia Rrugore në të gjithë vendin , në bashkëpunim me Drejtoritë e Shërbimeve të Transportit Rrugor, Kryqin e Kuq , institucionet arsimore dhe Policitë bashkiake, ka organizuar aktivitete ndërgjegjësuese me nxënësit e shkollave dhe komunitetin.
Aktivitetet synuan në ndërgjegjësimin dhe sensibilizimin e përdoruesve të rrugës për rëndësinë e respektimit të rregullave të qarkullimit me qëllim parandalimin e aksidenteve me pasoja për jetën dhe shëndetin e qytetarëve.
Gjatë javës, Policia Rrugore ka simuluar situata rrugore me nxënësit për t’i edukuar mbi sjelljen e sigurt në rrugë ♂♀ dhe për mënyrën e reagimit në raste emergjente . Diskutimet përfshinë respektimin e rregullave të trafikut , funksionimin e semaforit , kuptimin e shenjave të punonjësve të Policisë dhe rëndësinë e përdorimit të rripit të sigurimit ⛑️.
Aktivitetet u shoqëruan dhe me materiale edukative , si fletëpalosje dhe ilustrime, për t’i bërë konceptet e sigurisë rrugore më të kuptueshme për nxënësit dhe komunitetin.
Policia Rrugore apelon për përdoruesit e rrugës që të zbatojnë me rigorozitet rregullat e qarkullimit rrugor, duke kontribuuar të gjithë në rritjen e parametrave të sigurisë rrugore në vend.
