Juglindja e vendit është përfshirë nga reshjet e borës mbrëmjen e djeshme, të parat për këtë dimër.
Ndërkohë, mësohet se nën petkun e bardhë është “zgjuar” sot fshati turistik i Dardhës, ku trashësia makismale e dëborës arrin deri në 10 cm, si dhe fshati turistik i Voskopojës, ku trashësia e dëborës arrin deri në 5 cm.
Gjithashtu, raportohet se më pak reshje dëbore ka pasur në Qafën e Qarrit dhe në segmentin Zëmblak -Goricë.
Sipas informacioneve, reshjet e borës nuk kanë shkaktuar problematika në asnjë prej akseve rrugore, teksa borëpastrueset ndodhen në terren.
