Kombëtarja kuqezi do të nisë sfidën e 4-t të rrugëtimin të tyre, në Nations League, ku ashtu si në edicionin e kaluar janë pjesë e Ligës B.
Kësaj radhe, kuqezinjtë do të kenë përballë Republikën Çeke dhe siç e do zakoni një ditë para sfidës është zhvilluar edhe konferenca zyrtare për shtyp.
Tekniku Sylvinho u shpreh se skuadra do të hyjë nesër në fushë për të dhënë maksimumin, teksa u pyet edhe në lidhje me formën e mirë që po kalon Myrto Uzuni.
Tekniku u shpreh se ai dhe Kombëtarja do të mundohen të marrin maksimumin nga sulmuesi beratas ndërsa vlerësoi aftësitë e tij brenda zonës së rreptësisë
“Uzuni bën më shumë rolin e sulmuesit të dytë. Kemi mësuar në lidhje me cilësitë e një sulmuesi si Uzuni, ekziston mundësia për ta përdorur, për të shfrytëzuar karakteristikat e lojtarit në këtë lloj aspekti. Ne do të mundohemi të marrim më të mirën nga ky lojtar. Uzuni e ka nisur me ne si sulmues anësor, dhe më pas duke depërtuar më tepër brenda. Ka një super fizik, mbetet për t’u vlerësuar dhe për t’u parë se çfarë do të zgjedhim nesër”, theksoi
