Në dhjetëvjetorin e ndeshjes së fundit që Johan Cruyff luajti në Municipal de Aiguyadolç në Sitges, djali i tij Jordi Cruyff, ish-futbollist dhe deri pak muaj më parë drejtor sportiv i FC Barcelona, vlerësoi Barçën aktuale të trajnerit Hansi Flick, por vuri në dukje se “për të lavdëruar disa nuk është e nevojshme të shash të tjerët”.
Pas zbulimit të pllakës me emrin e tij ngjitur me Municipal de Aiguadolç, Jordi Cruyff iu referua në mënyrë eksplicite paraardhësit të trajnerit gjerman në stolin e Barçës, Xavi Hernández.
Jordi Cruyff gjithashtu e justifikoi gjermanin Flick, kur u pyet nëse Barça e tij ruan ADN-në e Culé, që babai i tij e ka mishëruar për më shumë se 30 vjet. “Për mua nuk është larg filozofisë.
ADN-ja nuk është thjesht një sistem loje, është një qëllim… nëse dëshiron të jesh dominues, nëse u jep minuta lojtarëve të rinj… Unë ende e shoh që e njëjta gjë. Është ADN-ja e Barçës. Të bësh një rregullim taktik nuk do të thotë të ndryshosh ADN-në e Barçës”.
Një nga gjërat që theksoi edhe Jordi Cruyff është guximi kur bëhet fjalë për promovimin e njerëzve të shtëpisë. “Lojtarët e rinj po ‘kapin’ mundësinë me të dyja duart dhe njerëzve në Barça u pëlqen të shohin lojtarë të rinj, që përfundojnë një proces që ka ndodhur vite më parë. Kjo është arsyeja pse njerëzit janë të emocionuar, përveç mënyrës se si konkurrojnë.”
