Deputeti i Partisë Demokratike, Dashnor Sula, mbajti fjalën e tij në “Rrugën e Shpresës” në ditën e 315 të “Qëndresës Qytetare” ku foli mbi buxhetn e shtetit dhe vjedhjen që po i bëhet këtij vendi.
Sula u shpreh se, kjo qeveri aktuale nuk e donte opozitën të ishte prezente në parlament gjatë prezantimit të projektbuxhetit sepse do ti dilnin në pah të gjitha vjedhjet e tyre.
Deputeti i PD cilësoi gjithashtu se, në vend po bëhet batërdia me ndërtime pallatesh vlera e të cilëve nuk deklarohen në rrjetet bankare, duke na lënë të kuptojmë qartazi se kjo qeveri po bashkëpunon me krimin dhe me para korrupsioni.
“Ky regjim po shpopullon Shqipërinë nga të rinjtë dhe të rejat. Po vij nga Peqini nga Belshi, në një sezon ku vilen ullinjtë dhe nuk ka të rinj për ti vjelur. Sot ne nuk ka mundësi që prodhimi të vilet, sepse kjo qeveri ka shpopulluar vendin. Fjala e presidentit të Amerikës edhe duke u rrëzuar thoshte luftoni, dhe ne këtë duhet të bëjmë si opozitarë.
Jemi në momentin ku po diskutohet buxheti i shtetit dhe ditën e enjte u diskutua buxheti faktik, kjo mazhorancë nuk donte që të kishte opozitën në parlament për të diskutuar buxhetin sepse nuk donin ti dilnin sheshit vjedhjet e tyre në 2023 dhe të njëjtën gjë donin edhe për buxhetin e vitit 2025.
Berisha mbajti një fjalim i cili ka gati 3 javë që zbërthen me detaje buxhetin e shtetit dhe sot ka folur për ndërtimet në të gjithë vendin kryesisht në Tiranë.
Unë isha një ndër deputetët ku në Tiranë po bëhet batërdia nëpërmjet ndërtimeve me paratë e krimit dhe korrupsionit. Është e pafalshme që ndërtohet cdo vit miliona metra në një kohë që qarkullojnë rreth 4 miliard euro në sektorin e ndërtimit dhe vetëm 840 milion eurio kalojnë në sistemin bankarë. Që do të thotë rreth 3.2 miliard euro nuk janë nëpërmjet bankës që do të thotë që janë para krimi të mbështetura nga kjo qeveri, para korrupsioni.
A ka llogjik ekonomike që të kesh rreth 70 mijë banesa bosh në Tiranë, kjo tregon se këto para janë para korrupsioni dhe trafikut të kokainës”, tha Sula.
