Juventusi fiton derbin e Torinos dhe u bën presion dy ekipeve kryesuese të Serisë A, Napoli dhe Inter, që përplasen me njëri-tjetrinnë “San Siro” këtë të diel.
Në “Allianz Stadium”, përballë Torinos, “Zonja e Vjetër” komandoi ndeshjen duke shënuar nga një gol në çdo pjesë, për rezultatin final 2-0.
E zhbllokoi rezultatin Weah që në minutën e 18-të, pas një depërtimi të Cambiasos, goditja e të cilit u ndal nga portieri, që s’mund të bënte asgjë më pas kur topi shkoi të këmbët e sulmuesit.
Golin e dytë e shënoi Yildiz në minutën e 84-t, por merita kryesore shkon për portugezin Conceiçao, që dha asist perfekt për shokun skuadrës.
Kaq mjaftoi që Juventusi të merrte tri pikët në derbi, duke u ngjitur sërish në zonën Champions dhe duke barazuar Interin në renditje me 24 pikë.
