Nga Elton Laska
Kryeministri Edi Rama na premtoi se Lezha do të jetë “Spanja e Ballkanit”, por është krejt e qartë që me ardhjen e tepricave të emigrantëve të Italisë, Lezha do të jetë Lampeduza e Shqipërisë.
Sot e kësaj dite, qeveria nuk ka bërë asnjë transparencë për këtë pakt e mbi të gjitha se çfarë fiton Lezha dhe banorët e qarkut Lezhë nga ky pakt.
Lezha do të duhej të ishte kryefjalë për turizmin, por në vend të infrastrukturës rrugore që është lënë në vitet 1990, veçanërisht aksi jetik Lezhë-Shkodër, qarkut tonë i sollën vetëm një kamp, por në këmbim asgjë tjetër.
A do të ketë Ministria e Turizmit më shumë fonde për Lezhën? A do të ketë Ministria e Infrastrukturës fonde për Lezhën?
Unë dyshoj që jo, pasi investimet në projektbuxhet nuk e parashikojnë një gjë të tillë.
Turizmi në Lezhë është ngritur me djersë dhe gjak, teksa bujqësia dhe blegtoria janë lënë në mëshirë të fatit, pasi fondet për këtë sektor e kanë shpallur Lezhën “Non Grata”.
Lezhjanët nuk e kanë më luksin ta lënë fatin e tyre në mëshirë të atyre që prej 30 vitesh i poshtërojnë dhe i diskriminojnë.
