Kategoria e Parë e futbollit në Shqipëri ka vijuar sot me ditën e dytë të ndeshjeve.
Duke nisur nga ora 14:00 janë zhvilluar dy sfida. Në “Tofik Jashari” të Shijakut, Erzeni vendas u mposht 0-1 nga Kukësi.
Ndërkohë në Fushë-Krujë ekipi i Kastriotit fitoi 2-0 kundër Pogradecit me golat e Kapllanit dhe Hoxhës.
Pas kësaj disfate, e shtata këtë sezon, trajneri shkodran i Pogradecit, Samuel Nikaj dha dorëheqjen.
Të premte, Apolonia fitoi me Vorën dhe Lushnja mposhti Korabin.
Gjithçka në Kategorinë e Parë mbyllet të dielën me dy sfida, Besa – Valbona dhe Burreli – Flamurtari.
Kategoria e Parë, raundi 12-të:
E premte, 8 nëntor 2024
Apolonia 2-0 Vora
Lushnja 3-1 Korabi
E shtunë, 9 nëntor
Erzeni 0-1 Kukësi
Kastrioti 2-0 Pogradeci
E diel, 10 nëntor – 14:00
Besa – Valbona
Burreli – Flamurtari
