E Ngarkuara me Punë e SHBA-së, Nancy VanHorn, në një takim ditën e sotme me ministrin e Brendshëm Ervin Hoxha, ka përgëzuar reformën në drejtësi të bërë në Shqipëri dhe ua ka bërë zemrën mal rilindasve.
Ndërkohë, realiteti është krejtësisht e kundërta pasi reforma në drejtësi është qartësisht e kapur nga Sulltan Rama i cili shpeshherë e ka thënë troç: “Reformën në drejtësi e bëmë ne”.
VanHorn shprehet se Amerika beson në reformën e bërë në drejtësi, por në cilën reformë vallë? Atë reformë që ka bërë “Noc Rrokun” dhe ka futur në birucë kundërshtarët e Sulltan Ramës?!
“Pritshmëritë që publiku shqiptar ka për reformën në drejtësi dhe për punën tuaj dhe kolegëve tuaj janë shumë të larta. Dhe kjo ndodh për shkak se ju dhe kolegët tuaj tashmë keni prodhuar rezultate për ta. Dhe sot, 29 prej jush që po diplomohen, janë gati për ta rritur këtë ndikim. Sa herë takohem me zyrtarë të qeverisë, një nga gjërat që theksoj vazhdimisht është se reforma në drejtësi është e pakthyeshme. Dhe unë e them këtë sepse Shtetet e Bashkuara e besojnë atë dhe besojnë te ju.” – tha VanHorn.
