Një 45-vjeçar është arrestuar nga policia e Tiranës, për dhunë në fmailje.
Blutë e kryeqytetit bëjnë me dije se 45-vjeçari ka qëlluar me grusht vajzën e tij të mitur.
“Specialistët e Seksionit për Hetimin e Krimeve në Komisariatin e Policisë Nr. 2 arrestuan shtetasin H. B., 45 vjeç, banues në Tiranë, pasi dyshohet se ka goditur me grusht vajzën e tij të mitur.”, thuhet në njoftimin e policisë.
Ndërsa një 23-vjeçar ka përfunduar në prangat e policisë, pasi në gjendje të dehur, ka kanosur me fjalë bashkëshorten e tij.
“Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin A. K., 23 vjeç, banues në Tiranë, pasi në gjendje të dehur, ka kanosur me fjalë bashkëshorten e tij”, njofton policia.
