Një ngjarje e rëndë ka ndodhur ditën e djeshme në Veria të Greqisë. Prindërit e trajnerit të Kombëtares U21, Alban Bushit kanë humbur jetën në një aksident tragjik të ndodhur në shtetin fqinj.
Ali Bushi dhe Bukurie Bushi janë përfshirë në në aksident të rëndë në rrugën Egnatia në Veria të Selanikut, teksa kanë humbur jetën në vend.
Sipas mediave greke, mjeti ku ndodheshin prindërit e Alban Bushit është përplasur nga një tjetër makinë nga mbrapa. Kjo përplasje ka qenë aq e rëndë saqë Ali Bushi dhe Bukurie Bushi nuk kanë mundur t’i mbijetojnë.
Në vendngjarje kanë arritur menjëherë ambulanca dhe Policia, teksa këta të fundit po hetojnë për shkaqet e këtij aksidenti tragjik.
