Një ngjarje e rëndë është regjistruar paraditen e kësaj të mërkure në Maliq, ku një burrë ka plagosur me thikë djalin e tij.
Ngjarja ka ndodhur rreth orës 10:45, në fshatin Vreshtas. Autoritetet policore raportojnë se shtetasi Sh. C. ka goditur me thikë, djalin e tij 15 vjeç.
Ngjarja ka ndiodhur pas një konflikti për motive të dobëta mes tyre. 15-vjeçari është dërguar i plagosur në spital, ku po merr mjekim dhe është jashtë rezikut për jetën.
Shtetasi Sh. C. është shoqëruar në Komisariat, për kryerjen e veprimeve procedurale. Grupi hetimor po punon për zbardhjen e rethanave të rastit.
