Dy automjete janë përfshirë nga zjarri gjatë natës së kaluar në Shkodër. Ngjarja ka ndodhur rreth orës 03:25, në lagjen “Kongresi i Përmetit”.
Autoriteter policore raportojnë se janë djegur automjetet tip “Benz ML” dhe “Kiron Ssanyong”, në pronësi të shtetasit S. H.
Si pasojë e zjarrit janë shkaktuar vetëm dëme materiale. Ende nuk dihet nëse makina iu është vënë zjarri qëllimisht apo jo.
Grupi hetimor vijon punën për sqarimin e rrethanave të rastit dhe përcaktimin e shkakut të rënies së zjarrit.
