Rrjetet sociale janë përdorur jo pak herë për denigrimin e figurës së një personi. Një gjë e tillë ka ndodhur së fundmi edhe mes adoleshentëve.
Një 17-vjeçar banues në Tiranë, në bashkëpunim me dy të mitur të tjerë, kanë shpërndarë në rrjetin social “Snapchat”, një video intime të një 16-vjeçareje. Pas denoncimit të rastit, 17-vjeçari është ndaluar nga policia.
“Seksioni për Hetimin e Krimeve Kibernetike, në zbatim të urdhrit të prokurorit, ndaloi një 17-vjeçar, banues në Tiranë, pasi dyshohet se së bashku me 2 të mitur të tjerë ( të proceduar penalisht më datë 19.10.2024), kanë shpërndarë në rrjetin social “Snapchat”, një video intime të një 16-vjeçareje. Veprimet procedurale me të miturit u kryen me prezencën e kujdestarëve, mbrojtësve ligjorë dhe psikologut”, njofton policia.
