Policia e Tiranës ka arrestuar një person, i cili akuzohet se ka përndjekur ish-bashkëshorten e tij, si dhe ka dhunuar të dashurin e saj. Në pranga është vënë shtetasi A. M., 54 vjeç, banues në Tiranë.
“Specialistët e Komisariatit të Policisë Nr. 2 arrestuan shtetasin A. M., 54 vjeç, banues në Tiranë, pasi dyshohet se në mënyrë të vazhdueshme ka përndjekur ish-bashkëshorten e tij dhe ka goditur me grusht të dashurin e saj.” – thuhet në njoftimin e Policisë.
Materialet proceduriale i kaluan Prokurorisë së Tiranës për veprime të mëtejshme.
