Një aksident i rëndë është regjistruar mëngjesin e kësaj të diele në aksin rrugor Delvinë-Kardhiq, në afërsi të rrethrrotullimit të fshatit Bajkaj.
Burime për mediat bëjnë me dije se një automjet tip “Benz” ka përplasur një banor të zonës, i cili po ecte në rrugë bashkë me një lopë dhe një gomar.
Si pasojë e aksidentit ka ndërruar jetë këmbësori në vendin e ngjarjes, teksa ka ngordhur edhe lopa dhe gomari. Viktima është shtetasi L. Xh., 72 vjeç,.
Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
Njoftimi:
Sot, rreth orës 03:45, në aksin rrugor Sarandë-Tuneli i Skërfices, në afërsi të rrethrrotullimit të fshatit Bajkaj, shtetasi E. O., 63 vjeç, dyshohet se ka humbur kontrollin mbi drejtimin e automjetit tip “Benz” dhe ka aksidentuar këmbësorin, shtetasin L. Xh., 72 vjeç, e më pas, është përplasur me një tjetër automjet tip “Benz”, me drejtues shtetasin V. G.
Si pasojë e aksidentit, shtetasi L. Xh. ka ndërruar jetë gjatë transportit për në spitalin e Sarandës.
