Një aksident me vdekje është regjistruar në Shkodër. Një 21-vjeçar ka përplasur me makinë një 70-vjeçar, i cili ka qenë duke ecur në lagjen Draçin.
Si pasojë e përplasjes, i moshuari Pal Bicuku ka humbur jetën në vendngjarje.
Njoftimi:
Shkodër/ Informacion paraprak
Rreth orës 19:35, në lagjen Draçin, shtetasi V. D., 21 vjeç, duke drejtuar automjetin, ka përplasur këmbësorin, shtetasin P. B., 70 vjeç, i cili si pasojë e përplasjes ka humbur jetën në vendngjarje.
Shtetasi V. D., u shoqërua në Komisariat për veprime të mëtejshme. Grupi hetimor po punon për sqarimin e plotë të rrethanave të aksidentit.
