Largimi i Blendi Gonxhes duket se nuk e zhduku korrupsionin në Drejtorinë e Përgjithshmë të Shërbimeve të Transportit Rrugor (DPSHTRR), por përkundrazi, me “trashëgimtarin” e tij në krye, Ilir Mëngra është shtuar edhe më shumë.
Një qytetar ka denoncuar për JOQ situatën që ndodhet me Drejtorinë Rajonale të Shërbimeve të Transportit Rrugor në qytetin e Durrësit, ku sipas tij, i gjithë zinxhiri i këtij institucioni funksionon vetëm me mik dhe me lek. Ai pretendon se apartura për rezervimin e radhës për shërbimet në këtë Drejtori është fiktive, pasi aty futen shumë persona që kanë të njohur në këtë institucion apo që korruptojnë me lekë punonjësit.
“I gjidh zingjiri i DPSHTRR-së funksionon me mik me lek parvasisht se je në radhë para 30 vetave mund të rrish pas 30 vetave, kjo ndodh sepse funksionon shok mas shoku, mik mbas miku, duke kaluar pa radhë. Aparatura për rezervimin e radhës është kot, sepse ato e kalojnë numrin pa radhitje nga 152 mund të kaloj në 189, pastaj vete 150 ,140. Unë e kisha marrë numrin 165 dhe ai numer nuk i kishte kaluar radha punonjësi me detyroji të merja një numer të ri dhe un i kerkova llogari.” – shkruan qytetari, teksa ka dërguar dhe me video momentin kur debaton me punonjësin e DRSHTRR Durrës.
Gjithsesi, vlen të theksohet fakti se e njëjta situatë me korrupsionin dhe mikun është në të gjitha drejtoritë e Shërbimeve të Transportit Rrugor.
Drejtori aktual i DPSHTRR-së është një ish-vartës i Blendi Gonxhes në këtë institucion dhe duke se i ka mësuar më së miri marifet e korrupsionit prej “mësuesit” të tij.
Vetë drejtori Mëngra ka mbajtur një profil të ulët publik, që më shumë se “paaftësi” për të shitur produkte imagjinare, duket një taktikë e njohur për të mbuluar me harresë abuzimet që bëhen në Drejtorinë e Përgjithshme të Shërbimit të Transportit Rrugor.
Dy sektorët kyç ku vijon të “ndiqet tradita” e korrupsionit në këtë drejtori, janë Kontrolli Teknik i Automjeteve dhe pajisja me leje drejtimi (patentë).
Gjithçka fuknsionon si “sahat zvicerian”. Paraja nëndorë që të bën me patentë, por jo të aftë për të qenë drejtues mjeti në rrugë vijon, me formën e saj klasike. E njëjta metodë përdoret edhe me kontrollin teknik, ku për shkak të korrupsionit nuk e kalojnë dot “kolaudimin” automjete se nuk punon një sinjal në ato momente, por kalojnë automjete që edhe në “varreza” i pranojnë me vështirësi.
Kush është Ilir Mëngra, trashëgimtari i “korrupsionit me patentë” të Blendi Gonxhes
