Këshilltari bashkiak i Tiranës Haliti Valtiri, i cili denoncoi ish-presidentin Ilir Meta në SPAK, ka bërë një deklaratë të fortë.
I ftuar në News 24, Valteri tha se Ilir Meta është personazhi i politikës më i korruptuar dhe pas tij vijnë Sali Berisha dhe Edi Rama.
“Që në 2019 që kam marrë mandatin e deputetit jam marrë shumë me personin Ilir Meta dhe si President dhe drejtues shteti. Mendoj dhe sot po vërtetohet nga Prokuroria Speciale që është njeriu më i korruptuar në këtë vend dhe e keqja më e madhe e këtij vendi. Më pas vijnë dy të këqijat e tjera që janë Sali Berisha dhe kryeministri që na drejton sot, se mendojnë që jam te PS dhe kam komplekse për PS-në.
Ilir Meta ka bashkëpunaur ngushtë me Ramën dhe Berishën për të pasur pushtetin për të drejtuar vendin dhe me të dy forcat politike ka drejtuar vendin”, tha Valteri.
Kujtojmë që Halit Valteri është një nga personazhet më afër kryebashkiakut të Tiranës Erion Veliaj, teksa në një mbledhje të këshillit bashkiak, u përlesh me Tedi Blushin, i cili akuzonte kryebashkiakun për korrupsion.
