Kryeministri Edi Rama gjatë konferencës së përbashkët me presidenten e Komisionit Europian, Ursula von der Leyen është pyetur për herë të parë në lidhje me arrestimin e dhunshëm të ish-Presidentit të Republikës, Ilir Meta.
Rama nuk preferoi të jepte koment, duke thënë se as ai dhe as forca e tij politike nuk bëjnë komente për çështje që i takojnë drejtësisë, vetëm në rastet e shpifjes, duke iu referuar rastit të Ervin Salianjit, ku kreu i Qeverisë i entuziazmuar nga vendimi bëri 3 “çarçafë” në rrjetin e tij social për një rast të vetëm.
“Ju e dini përgjigjen, dhe në këtë rast që unë asnjëherë nuk bëj komente të politikës së brendshme në gjuhë të huaj apo edhe kur në krah kam miq të huaj. Por edhe për faktin se qysh se ne e kemi nisur reformën në drejtësi as unë dhe as forca politike që udhëheq nuk bën komente për çështje që i takon drejtësi. Kur ndodh që çështjet të përmbyllen, ndodh që ndoshta në ndonjë rast të ketë ndonjë koment kur drejtsësia vihet në vend, siç është shpifja.” – tha Rama.
E njëjta pyetje iu bë edhe presidentes së KE-së, Ursula von der Leyen, e cila njësoj si Edi Rama deklaroi se nuk jep komente për verndime gjyqësore.
“Unë nuk do të bëj komete për vendimet gjyqësore. Ne punojmë për reformën gjyqësore, por kjo nuk ka të bëje me çështje individuale. Procesi varet nga merita e çdo vendi, kjo është e rëndësishme për vendet anëtare, që ju të shikoni rezultatin e punës. Me Shqipërinë kemi një shembull të shkëlqyer, tregon që gjerat kanë ecur shpejt dhe nëse ecin siç duhet në ndoshta do hapin të gjithë grup kapitujt deri vitin e ardhshwm. Duhet bërë gjithë puna për të qenë vend anëtarë dhe kjo varet nga puna e çdo vendi.” – tha von der Leyen.
