Një përqafim me të dashurit tuaj mund t’iu sjellë telashe në një aeroport të Zelandës së Re nëse zgjat shumë.
Aeroporti ndërkombëtar në Dunedin ka vendosur një kufi prej tre minutash për përqafimet, si pjesë e një përpjekjeje për të përmirësuar sigurinë dhe trafikun.
“Koha maksimale e përqafimit është 3 minuta. Për lamtumirën, ju lutemi përdorni parkingun e makinave.”, shkruhet në një tabelë të vendosur në zonën e aeroportit.
Shefi ekzekutiv i aeroportit, Dan De Bono tha se nuk do të ketë një “njësi policie” që zbaton rregullin, por do të jetë stafi që do t’ju kërkojë me mirësjellje pasagjerëve të lëvizin në parkingun e makinave.
“Ne nuk jemi këtu për t’u thënë njerëzve se sa kohë duhet të përqafohen, por është më shumë mesazhi i ju lutemi të ecni përpara dhe të siguroni hapësirë për të tjerët.”, tha ai.
