Deputetja e PD-së, Elda Hoti hodhi një lëndë të lëngshme gjatë seancës së sotme plenare në Kuvend dhe kaq mjaftoi që socialistët t’i kapte paniku dhe kryeparlamentarja Elisa Spiropali urdhëroi menjëherë Gardën që në shkelje të ligjit ta nxirrnin me forcë jashtë.
Por, në një prononcim për mediat jashtë Kuvendit, Elda Hoti tha se ajo që hodhi ishte thjesht aromatiozues që nuk i rrezikon jetën askujt dhe se për këtë gjë le ta verifikojë SPAK-u.
Ajo pretendoi se gratë deputete janë dhunuar nga gardistët që kanë tentuar t’iu bëjnë kontroll fizik në shkelje të ligjit.
Elda Hoti: Nuk ka asnjë të drejtë Garda e Republikës që të bëjë kontroll fizikë të deputetëve. Këtë të drejtë nuk e ka as prokuroria për sa kohë deputeti ka mandatin. Nuk mundet Garda e Republikës me urdhër të Elisa Spiropalit të dhunojnë gratë kryesisht, se e kanë merak këta e flasin në emër të grave. Nuk jemi lejuar të futemi në parlament sepse këta donin të na bënin kontroll fizik. Diçka që është e paligjshme. E kthyen parlamentin në zyrë noteriale të bandave. Ne nuk e ndalojmë betejën tonë. Ajo që hodha në Parlament nuk ishte asgjë që mund të rrezikonte jetën e deputetëve. Ajo ishte aromatizues, le ta verifikojë, prokuroria a SPAK-u. Unë nuk trembem. Misionin do e çojmë deri në fund
