Bordi i Transparencës ka vendosur në mbledhjen e sotme, çmimet e reja tavan për shitjen me pakicë dhe shumicë të karburanteve, të cilat hyjnë në fuqi nga ora 14:00 e ditës së sotme.
Sipas vendimit, çmimi maksimal i shitjes me pakicë për naftën është vendosur jo më shumë se 187 lekë për litër, ndërsa çmimi i shumicës jo më shumë se 175 lekë për litër.
Për benzinën, çmimi maksimal i shitjes me pakicë është caktuar 174 lekë për litër, ndërsa ai i shumicës 162 lekë për litër.
